聖誕節假期就到，係時候計劃下放假去邊玩。每逢節日，機票價格急升，留喺香港又有咩可以做呢？去離島玩都可以考慮喎！
好多人去台灣係因為鍾意台灣有好多唔同嘅Cafe ,可以慢活一下。其實南丫島一樣有好多架。由中環搭船去到榕樹灣，一落船沿路行已經見到好多唔同種類嘅cafe。你到呢間餐廳，第一個感覺係佢嘅新Menu選擇其實都算簡單，不過有啲款式都幾特別。我最鍾意嘅，就係佢嘅egg benedict! Egg benedict係英國菜入邊最出名嘅一類，喺香港市區要食佢其實唔難，好唔好食好在於佢個汁夠唔夠香。呢間餐廳佢個egg benedict 個汁好香好滑，令人覺得好開胃。而且佢個咖啡都好出色，好濃，而且好滑，我覺得拍得住連鎖咖啡店咖！
雖然餐廳無海景，而且又無好華麗既裝修，不過成個環境好悠閒，放假入去休息下都好舒服咖！人均消費大約為HKD$80，入去漫活一返都值得考慮咖！
農舍
榕樹灣碼頭沿大街直行
Search